Assalaamualaicoum et bonjour zot tou
Zordi, mo devan zot avek enn leker ki pe bate avek enn gran rekonesans, enn santiman ki telman for ki li bien dir pou rod bann mot mo pou rakont zot mo parcours medical, me sirtou pou remerci 2 lekip extraordiner OMCA Moris ek OMCA Lind. kan mo ti pe fair dialyse maurice. Sak seance ti bien difficile pou moi ek mo lasante ti pe deteriorer. Se dan sa moment kot mo ti pe rod enn solution, ki mo finn tap la porte OMCA. Mo remersie zot depi premier zour kot zot finn ekout mwa. C’est la kot Tasleem Mohammad Dilloo ek so lequipe fine prend mo sarz zot pa finn get mo papier medical kouma enn simple dossier; zot finn ekout mo soufrans ki mo ti ete. Tasleem et so equipe finn commence fair tou bann demars administrativ et legal mais avec difficulter finance cest la ki zot fine met moi dan Omca Foundation pou capave ramasse cash en tout transparence pou operation. Gras-a OMCA Foundation, mo fine kapav pran avion avec lespwar Kan nu finn ariv an Lind, nu ti pe per et ggn traka couma pou fair. Me la ankor, OMCA Lind ti pe attand nu, ek se la kot mo finn zwenn Tawfick Dilloo. Li finn pran relay-la avek enn profesionalism Tawfick et so equipe pa finn kit nou tou seul. Li finn organiz tou nou bann rendezvous medikal, li finn swazir meyer lopital avek bann pli gran spesialis, ek li finn gid nou. Mo remersie Tawfick ek lekip OMCA Lind pou kouma zot finn pran nu extra swen meme cot manger et transport Zot finn organise tou bann test avec lopital pou fer sir ki moi et mo madame an sekirite. Sa double loperasion transplant renal la fine enn gran reuci gras-a zot coordinasion extraordiner OMCA Moris ek OMCA Lind, zot pa fine zis organize enn trager medical ant 2 pay zot finn fer bien plis ki sa: zot finn form enn lafami otour mwa et mo madame, zot finn redonn mwa 1 lespoir, Zordi, si mo pe respir sa nouvo ler-la, si mo kapav sarye sa vizaz-la avek enn sourir, se gras-a zot devouman san limit.en premier mo remersie mo createur pou tou faver ki li fine fair lor moi, mo remerci OMCA Moris et OMCA Lind pou c ki zot in fair pou moi 1 grand merci a mo madam ki fine don moi 1 les rein sans aucun condition. merci tou mo ban famille, camarade et tout la population Moris pour zot contributions et support ek sirtou 1 grand merci a Tawfick, Tasleem, Shahrukh Khan Dilloo, Zaheer Peerbacus et Bhai Ally Hosany pou travail ki zot p fair pou population Moris
Écoutez son témoignage :
𝗦𝗮𝘃𝗲 𝗔 𝗟𝗶𝗳𝗲 – www.omcafoundation.org